အမျိုးသမီးတွေ အများစုဟာ မိမိရဲ့ ရင်သားဟာ လှပပြီး ဆွဲဆောင်မှုရှိတာကို လိုချင်ကြတဲ့အတွက် နည်းအမျိုးမျိုးနဲ့ ဖန်တီးယူကြပါတယ်။
ဒါပေမဲ့ ရင်သားထဲကို စီလီကွန်ထည့်တာ၊ ခွဲစိတ်တာ၊ ဆေးထိုးတာတွေက သင့်အတွက် အန္တရာယ်ရှိစေတာကြောင့် မလိုလားအပ်တဲ့ ဆိုးကျိုးတွေ ဖြစ်ပေါ်လာနိုင်ပါတယ်။
အခုပြောပြမဲ့ သတင်းကောင်းကတော့ ပျိုမေတို့ ရင် သားကို လှပကျစ်လစ်ဖို့အတွက် ဆိုးကျိုးမရှိဘဲ ရိုးရှင်းတဲ့ နည်းလမ်းလေးတစ်ခုပဲဖြစ်ပါတယ်။
လေ့ကျင့်ခန်း ၁ ပထမဦးဆုံးလေ့ကျင့်ခန်းကတော့ သင့်လက်ကို လက်သီးဆုပ်ပြီး မေးစေ့ပေါ်မှာ ၅ စက္ကန့်လောက် ဖိထားပေးပါ။
ပြီးလျှင် ၅စက္ကန့်လောက် အနားပေးပြီး ၂-၃ကြိမ် အထိ ထိုနည်းအတိုင်းပြန်လုပ်ပေးပါ။
လေ့ကျင့်ခန်း ၂ ရင်ညွန့်တည့်တည့်မှာ လက်အုပ်ချီထားပြီး ရင်အုံကြွက်သားတွေ တင်းမာလာစေဖို့အတွက် လုံလောက်တဲ့အားကို ရင်ဘက်က ညှစ်ထုတ်ပေးပါ။
အချိန်အနည်းငယ်ကြာတဲ့အထိ ထိုအနေအထားတိုင်းနေပြီး ထိုသို့ပြုလုပ်နေစဉ်အတွင်းမှာ သင့်ရဲ့ နောက်ကျောကို မတ်မတ်ထားဖို့ လိုအပ်ပါတယ်။
လေ့ကျင့်ခန်း ၃ ရင်ဘက်ကြွက်သားများအားကောင်းလာစေဖို့အတွက် ပထမဦးစွာ ကြမ်းပြင်မှာ မှောက်ချလိုက်ပါ။
ပြီးလျှင် သင့်ခြေထောက်နှစ်ချောင်းကို ဒူးခေါင်းကနေ ထောင်ပြီး ခြေနှစ်ဖက်ကိုကြက်ခြေခတ် ချိတ်ထားပေးပါ။
ထိုအနေအထားအတိုင်း ရင်ဘက်ကနေ အားထုတ်ပြီး ဒိုက်ထိုးပေးပါ။ ၁၂-၁၅ ကြိမ်လောက်ထိုးပြီး တစ်နေ့ကို ၃ကြိမ်လောက် ပြုလုပ်ပေးသင့်ပါတယ်။
လေ့ကျင့်ခန်း ၄ ကြမ်းပြင်ပေါ်မှာ မှောက်ခုံအနေအထားမှ ခြေထောက်နဲ့ ခါးကို ကော့ပြီး ထိုခြေနှစ်ဖက်ကို ပုံမှာဖော်ပြထားသလို လက်နောက်ပြန်ဖြင့် ကိုင်ထားပေးပါ။
ထိုအနေအထားအတိုင်း စက္ကန့် ၂၀ လောက် ငြိမ်ငြိမ် လေးနေပေးပါ။ ပြီးလျှင် ၁၀စက္ကန့်လောက် ခဏနားပြီး ၃ကြိမ်ပြုလုပ်ပေးပါ။
လေ့ကျင့်ခန်း ၅ ရင်ဘက်ကြွက်သားမှာရှိတဲ့ အားကို အသုံးပြုပြီး သင့်ရဲ့ လက်ကို နံရံနဲ့ လက်တစ်ဆန့် မှာ ထောက်ထားပေးပါ။
ရင်ဘက်ကြွက်သားများ တင်းမာလာအောင် ထိုအနေအထားအတိုင်း စက္ကန့် ၂၀ လောက်နေပေးပါ။ ပြီးလျှင် ၁၀စက္ကန့်လောက် ခဏနားပြီးနောက် ၃ကြိမ်ပြုလုပ်ပေးပါ။
လေ့ကျင့်ခန်း ၆ ခုံတန်းရှည် ဒါမှမဟုတ် fitball ကို အသုံးပြုပြီး ထိုပေါ်မှာ သင့်ခန္ဓာကိုယ်အပေါ်ပိုင်းကို တင်ထားပေးပါ။
ပြီးလျှင် dumbbells ကို သင်နိုင်သလောက် အလေးကို အသုံးပြုပြီး တံတောင်ဆစ်ကနေ ကွေ့လိုက် ဆန့်လိုက်ဖြင့် မပေးပါ။ ထိုကဲ့သို့ မတဲ့အချိန်မှာ ရင် ဘက်ကနေ အားစိုက်ပြီး မဖို့ လိုအပ်ပါတယ်
လေ့ကျင့်ခန်း ၇ ဒီလေ့ကျင့်ခန်းဟာ ကြွက်သားတွေကို အချိုးအစားလှပအောင် ကူညီပေးပါ။ ပထမဦးစွာ သင်အတွက် လုံလောက်တဲ့ အလေးချိန်တဲ့ dumbbells နှစ်ခုကို လက်နှစ်ဖက်မှာ ကိုင်ထားပေးပါ။
မတ်တပ်ရပ်အနေအထားမှ ဒူးကို အနည်းငယ်ကွေးညွှန့်ပြီး ခါးကို ရှေ့နည်းနည်း ကိုင်းထားပေးပါ။ ပြီးလျှင်ထို အလေးကိုင်တဲ့ လက်နှစ်ဖက်ကို ပုံမှ ဖော်ပြထားသလို တစ်ပြိုင်နက်တည်း ဖြန့်ကားလိုက် စုလိုက်နဲ့ ရင်ဘက်ကနေ အားစိုက်ပြီး ၁၂ကြိမ်လောက်ပြုလုပ်ပေးပါ