သင့်ရဲ့ အခန်းထဲမှာ လိုအပ်တဲ့ အလင်းရောင်နဲ့ အိပ်ယာ မဝင်ခင်မှာ လေ့ကျင့်ခန်း လုပ်တာတွေက သင့်ခန္ဓာကိုယ်ကို အချိုးအစား လှပစေပါတယ်။
တကယ်လို့ သင်က လေ့ကျင့်ခန်းလည်း မလုပ်ချင်ဘူး၊ လုပ်ဖို့အတွက် အချိန်လည်း မရှိဘူးဆိုရင်တော့ အခုပြောပြမယ့် နည်းလမ်းတွေကို သေချာလေး လိုက်လုပ်ကြည့်သင့်ပါတယ်နော်။
လေ့ကျင့်ခန်းတွေ ပြုလုပ်နေမှ ခန္ဓာကိုယ်က လှပနေတာ မဟုတ်ပါဘူး။ နည်းစနစ်ကျကျ နေထိုင်တတ်တာနဲ့ပဲ သင့်ကို အများကြီး လှပသွားစေနိုင်ပါတယ်။
၁။ အဝတ်အစားပါးပါးလေးတွေပဲ ဝတ်အိပ်ပါ
အိပ်စက်တဲ့အခါမှာ အဝတ်အစား ပါးပါးလေးတွေ ဝတ်ပြီးအိပ်တာက သင့်ကျန်းမာရေးကိုလည်း ကောင်းစေနိုင်ပါတယ်။
အဝတ်ပါးပါးလေးနဲ့ အိပ်တဲ့အခါ သင့်ခန္ဒာကိုယ်ကအေးမြနေပြီး သင့်ကို နွေးထွေးစေဖို့အတွက် ခန္ဒာကိုယ်ကနေ အညိုရောင်အဆီတွေ ပိုထုတ်ပေးရပါတယ်။ ဒီလို အဆီတွေ ထွက်လာတဲ့အခါ ခန္ဓာကိုယ်ရဲ့ ဇီဝဖစ်ပျက်မှုက ပိုမိုမြန်ဆန်လာပါတယ်။
အညိုရောင်အဆီဟာ ကယ်လိုရီတွေကို လောင်ကျွမ်းစေပြီး အပူကို ထုတ်ပေးတာကြောင့် ကိုယ်အလေးချိန် ကျဖို့အတွက် ပိုပြီးမြန်ဆန် စေပါတယ်။
အဝတ်မပါဘဲ အိပ်တာက သွေးလည်ပတ်မှုကို ကောင်းမွန်စေပြီး နှလုံးနဲ့ ကြွက်သားတွေအတွက်လည်း ကောင်းမွန်ပါတယ်။
၂။ အိပ်ရေးဝအောင် အိပ်ပါ
အိပ်စက်ခြင်းဆိုင်ရာ သုတေသနပညာရှင် ဒေါက်တာ Richard K. Bogan က အိပ်ရေးဝအောင် အိပ်တာဟာ ခန္ဒာကိုယ် အလေးချိန်ကို သူ့ဟာသူ ကျစေနိုင်တယ်လို့ ပြောပါတယ်။
“ ပုံမှန်ခန္ဓာကိုယ် ဟော်မုန်းနဲ့ ကိုယ်ခံအားစနစ် လုပ်ဆောင်ချက်အတွက် အိပ်စက်ဖို့ လိုအပ်ပါတယ်။ အိပ်ရေးမဝတဲ့ ဦးနှောက် ဒါမှမဟုတ် အိပ်ချိန်မလုံလောက်တဲ့ ဦးနှောက်ဟာ အလုပ်တွေ ပိုလုပ်ရပြီး လိုအပ်ချက်တွေပါ ရှိလာနိုင်တယ်” လို့ ဆိုပါတယ်။
ပြီးတော့ “အိပ်ရေးပျက်တာက ကိုယ်အလေးချိန် တက်စေတယ်” လို့ပြောပါတယ်။ အရွယ်ရောက်ပြီးတဲ့သူ တစ်ဦးဟာ အနည်းဆုံး အိပ်ချိန် ၇ နာရီခွဲကနေ ၉ နာရီအထိ အိပ်စက်ရန် လိုအပ်ကြောင်း အကြံပြုထားပါတယ်။
၃။ မှန်ကန်တဲ့ လေ့ကျင့်ခန်း လုပ်ပါ
သင့်မှာသာ ကြွက်သားထုထည် ကြီးကြီးသာ ရှိနေမယ်ဆိုရင် အိပ်နေတဲ့အချိန်မှာ အဆီပိုတွေ လောင်ကျွမ်းသွားဖို့ လွယ်ကူပါတယ်။ လေ့ကျင့်ခန်း အချို့ကို နေ့စဉ်ပြုလုပ်ပေးခြင်း၊
အထူးသဖြင့် ခွန်အားသုံးရတဲ့ လေ့ကျင့်ခန်းတွေ လုပ်ခြင်းက သင့်ကို ပေါင်တော်တော် ကျစေပါတယ်။ညနေဘက်တွေ၊ ညဘက်တွေမှာ လေ့ကျင့်ခန်း မလုပ်အားရင်တောင် အိပ်ခါနီးအချိန်မှာ လုပ်ပေးသင့်ပါတယ်။
၄။ အေးပြီးတော့ မှောင်နေတဲ့အခန်းထဲမှာ အိပ်ပါ
လေ့လာမှု တစ်ခုအရ အိပ်ခန်းအပူချိန် 66°F မှာ တစ်လလောက် အိပ်တဲ့သူတွေဟာ သူတို့ရဲ့ အညိုရောင် အဆီလောင်ကျွမ်းစေတဲ့ ကယ်လိုရီအရေအတွက်ကို 42% တိုးစေပြီး ဇီဝဖြစ်ပျက်မှုကို 10% ထိ မြှင့်တင်ပေးနိုင်ခဲ့ပါတယ်။
သင်အိပ်နေတဲ့အချိန်မှာ ပေါင်အနည်းငယ် ကျစေချင်ရင် မီးပိတ်ပြီး အိပ်ကြည့်ပါ။ အိပ်ရာမဝင်မီ အလင်းရောင်ဟာ သင့်ရဲ့ melatonin ပမာဏကို လျော့ကျစေပြီး
မီးဖွင့်ပြီးအိပ်ရင်တော့ circadian regulation ရဲ့ ဇီဝဖြစ်ပျက်မှုအပေါ် ကြီးမားတဲ့ သက်ရောက်မှု ရှိစေပြီး ကိုယ်အလေးချိန် တက်လာနိုင်တယ်လို့ သုတေသန ပြုလုပ်ချက်တွေအရ သိရပါတယ်။
ဒါကြောင့် သင်အိပ်တော့မယ် ဆိုရင် တီဗီတွေ၊ ဖုန်းတွေ၊ မီးအလင်းရောင်တွေကို လျှော့ချပြီး အိပ်ကြည့်သင့်ပါတယ်။ သင့်မျက်လုံးကိုလည်း အနားပေးသလို ဖြစ်စေတဲ့အပြင် အိပ်ရေးဝဝလည်း အိပ်ပျော်စေမှာပါ။
၅။ အချိန်ဇယားနဲ့ စားသောက်ပါ
အာဟာရပညာရှင်တွေရဲ့ အဆိုအရ အစားအသောက်နှင့် အိပ်ချိန်ကို နေ့စဉ် အချိန်ဇယားအတိုင်း ထားရှိသင့်ပါတယ်။
လန်ဒန်အခြေစိုက် အာဟာရ ဗေဒပညာရှင် Charlotte Harrison က “ကျွန်တော်တို့ရဲ့ ခန္ဓာကိုယ်ဟာ နာရီတိုင်းမှာ circadian စည်းချက်အတိုင်း လိုက်ပြီးလည်ပတ်နေပါတယ်။
အစားအစာ စားချိန်တွေဟာ ကျွန်တော်တို့ရဲ့ circadian စည်းချက်အပေါ်မှာ လွှမ်းမိုးမှုတွေ များစွာရှိနေတာကြောင့် ကျွန်တော်တို့ရဲ့ အစာစားချိန်ကို အချိန်ဇယားဆွဲရဖို့ အလွန်အရေးကြီးပါတယ်” လို့ပြောထားပါတယ်။
လေးစားစွာဖြင့် Credit – မူရင်းရေးသူ