ယနေ့နေ့လည်က မန္တလေးမှာ ဖြစ်သွားတဲ့ လုယက်မှု ( ရုပ်သံဖိုင် )

ဒီနေ့ 12.8.2019 နေ့လည် 2:09 မိနစ်ခန့်က မန္တလေးမြို့၊ 73 လမ်းနဲ့ သဇင်လမ်းထောင့်မှာ ဆိုင်ကယ်စီးလာတဲ့ မိန်းကလေးတစ်ယောက်က အခြားဆိုင်ကယ်တစ်စီးနဲ့ငြိပြီး ဟန်ချက်ပျက်ကာ “လုသွားလို့ လုသွားလို့” အော်ပြီး အကူအညီတောင်းနေတာ ကျွန်တော်တို့နဲ့တွေ့လို့ ကျွန်တော့်ကားရယ် အခြားကားတစ်စီးရယ် နှစ်စီးပေါင်းပြီး နောက်ကနေလိုက်ဖမ်းပေးတာ သဇင်လမ်းနဲ့

မိုးသောက်ပန်းလမ်းမှာ တိုက်ဖမ်းတာ လွတ်သွားတယ်။68 လမ်းနဲ့ သဇင်လမ်းထောင့်မှာ နောက်တစ်ကြိမ် တိုက်ဖမ်းတာ ” ကျွန်တော်တို့ မဟုတ်ဘူး ကျွန်တော်တို့ မဟုတ်ဘူးဆိုပြီး ” လွတ်အောင်ရှောင်ပြီး မောင်းပြေးသွားတယ်။ လမ်းမှာလည်း တွေ့တဲ့ဆိုင်ကယ်တွေကို အကူအညီတောင်းတာ တစ်ယောက်မှ အရေးမလုပ်ကြဘူး။

ဟိုဘက်ကားကလည်း နောက်ကနေကပ်ပြီး လိုက်ဖမ်းတာ ပေသီးတွေနဲ့ ပြန်ပစ်လို့ ရှေ့လေကာမှန် အက်သွားတယ်။ ကျွန်တော့်ကားကတော့ 68 လမ်းနဲ့ သဇင်လမ်းထောင့်မှာ ထိပ်တိုက်တွေ့ပြီး လွတ်သွားလို့ ပြန်ကွေ့လိုက်ရင်း နောက်ပြန်ဆုတ်တဲ့အချိန် အုတ်ခုံနဲ့ညိပြီး နောက် Cover ပြုတ်သွားတယ်။

အလုခံရတဲ့ မိန်းကလေးဆီပြန်သွားပြီး အသေးစိတ်မေးကြည့်တော့ ငုရွှေဝါလမ်းနဲ့ 72 လမ်း DT နိုင်ဦးဆိုင်အနီးမှာ လုတာတဲ့ ဘာတွပါသွားသေးလဲ ဆိုတော့ ဖုန်းပါသွားတာတဲ့။ နောက်ကနေ လိုက်တဲ့အချိန်မှာလည်း သူ့ကို ပေသီးတွေနဲ့ ပစ်တယ် ပြောတယ်။

Dream ဆိုင်ကယ်အမျိုးအစားနဲ့ မျက်နှာ မမှတ်မိအောင် Face Mask တွေလည်း တပ်ထားတယ်။ နောက်တော့ ဟိုဘက်ကားနဲ့ လမ်းလွဲသွားတော့ လွတ်ပြီဆိုပြီး Mask တွေချွတ်လိုက်ပုံရတယ်။ ပေသီးတွေလည်း ကြိုဆောင်ထားတယ်ဆိုတော့ ရည်ရွယ်ချက်ရှိရှိနဲ့ကို လိုက်လုပ်နေပုံပဲ။ အတွေ့အကြုံ တော်တော်ရှိပုံရတယ်။

နောက်ထပ် ဘယ်သူ ဘယ်နှစ်ယောက်ကို လိုက်လုထားပြီးပြီလဲ မသိဘူး။ ဘယ်နှစ်ယောက်ထပ်ပြီး ဒုက္ခရောက်ဦးမလဲ မသိ။တစ်နေ့ကလည်း နန်းရှေ့ 19 လမ်း City Mart ကျော်ကျော်လေးမှာ ဆိုင်ကယ်နဲ့ အမျိုးသမီး တစ်ယောက်စီက အိတ်လုဆွဲသွားတာ ဆိုင်ကယ်လဲပြီး ဒရွတ်တိုက်ပါသွားတယ်။

ဖုန်းတွေ၊ ပိုက်ဆံအိတ်တွေ၊ ရွှေဆွဲကြိုးတွေ စတဲ့ တန်ဖိုးရှိတဲ့ အရာတွေကို သေသေချာချာ လုံလုံခြုံခြုံ လုပ်ပြီး သွားလာကြပါ။ ဖြစ်လာရင် ခံရဖို့ပဲ ရှိပါတယ်။ သတိနဲ့သာ သွားကြပါ။

ရုပ်သံကြည့်ရန်

သူများပစ္စည်း အချောင်လိုချင် အချောင်ရချင်ပြီး လိုက်ဒုက္ခပေးနေတဲ့ ကောင်တွေကိုလည်း အမြန် ဖမ်းမိအောင်၊ နောက်လူတွေထပ်ပြီး ဒုက္ခမရောက်အောင် ဒီ Post လေးကို Share ပြီး ကူညီပေးကြပါ။

Be the first to comment

Leave a Reply

Your email address will not be published.


*